چاندنی مۆخی ئێسک لە ئێران

ئەم ڕێگایە بەکاردێت بۆ چارەسەرکردنی هەندێک لە شێرپەنجەکانی خوێن وەکو لووسمی، لیمفۆم، مۆلتیپلی مایلۆما و ... هەروەها چاندنی مۆخی ئێسک ڕێگایەکە بۆ چارەسەرکردنی کەمخوێنی ئەپلاستیک.

چاندنی مۆخی ئێسک لەو حاڵەتانەدا بەکاردێت کە مۆخی ئێسک توانای بەرهەمهێنانی خانەی تەندروست و کارامەی خوێنی نییە. ئەگەر چاندنی مۆخی ئێسک ئەنجام نەدرێت، خانە تەندروستەکانی خوێن دروست نابن و حالی نەخۆشەکە خراپتر دەبێت.

دوای چاندنی خانە بنەڕەتییەکان، مۆخی ئێسک دەست دەکات بە دروستکردنی خانەی تەندروستی خوێن. لە ئەنجامدا ووردە ووردە ژمارەی خانەکانی خوێن زیاد دەکات و نیشانەکانی نەخۆشییەکە باشتر دەبن.

لە چاندنی خانە بنەڕەتییەکان لە مۆخی ئێسکەوە، خانەکانی خوێندرووستکەری ئێسک دەچێنرێن، لە کاتێکدا لە چاندنی خانە بنەڕەتییەکان لە خوێنی دەوروبەرەوە، خانە بنەڕەتییەکانی خوێن بۆ چارەسەرکردنی نەخۆشییەکان بەکاردەهێنرێن.

• وەرگرتنی خانە بنەڕەتییەکان لە خودی نەخۆشەکە
• وەرگرتنی خانە بنەڕەتییەکان لە کەسانی دەوروبەری نەخۆشەکە (بە مەرجێک خوێنەکان گونجاو بن)
• وەرگرتنی خانە بنەڕەتییەکان لە کەسانی غەیرە خزم (بە مەرجێک خوێنەکان گونجاو بن)
• وەرگرتنی خانە بنەڕەتییەکان لە بەندی ناوکی منداڵێکی تازە لەدایکبوو (بە مەرجێک خوێنەکان گونجاو بن)

گەنجانی بەخشەر کەیسێکی باشن بۆ بەخشینی مۆخی ئێسک. گونجاوترین تەمەن لە نێوان ١٨ بۆ ٣٥ ساڵ‎دایە.

لەم شێوازەدا خانەکانی مۆخی ئێسک لە ئێسکی حەوزی بەخشەرەکە دەردەهێنرێن و دوای ئامادەکاری دەگوازرێنەوە بۆ نەخۆشەکە.

• ئازاری ئێسک
• ئازاری ماسولکەکان
• ژانەسەر
• ماندوێتی
• هێڵنج دان و ڕشانەوە