نەشتەرگەری لووچی چاو (نەشتەرگەری سترابیسم) لە ئێران

بەگشتی لووچی چاو ٤ جۆر هەیە کە بریتین لە:

• ئیسۆترۆپیا (Esotropia): لووچی  بۆ ناوەوەی چاو
• ئێگزۆترۆپیا (Exotropia): لووچی چاو بەرەو دەرەوە
• هاپۆترۆپیا (Hypotropia): لووچی بۆ خوارەوەی چاو
• هایپێرترۆپیا (Hypertropia): لووچی بۆ سەرەوەی چاو

جوڵەی چاوەکان لە لایەن ماسولکەکانی جوڵەی چاو (ماسولکەکانی دەرەوەی چاو) ئەنجام دەدرێت. ئەگەر یەکێک لەو ماسولکانە بەهێزتر بێت لە ماسولکەکانی تر ئەوە چاو بەرەو خۆی دەکێشێت. ئەگەر یەکێک لە ماسولکەکان لاوازتر بوو لە ماسولکەکانی تر ئەوە دەبێتە هۆی لادانی چاو بەرەو دیوی بەرامبەر.

لەو حاڵەتانەی کە کەسێک لووچی لە چاوەکانیدا هەبێت یان لووچی لە چاوەکانیدا بووەتە هۆی دوو بینین لە نەخۆشەکەدا، نەشتەرگەری بۆ ڕاستکردنەوەی لووچی چاو دەتوانێت یارمەتیدەر بێت.

لە زۆربەی حاڵەتەکاندا (لەسەدا ٨٠ بۆ ۹۰) کاتەکان، نەشتەرگەری دەتوانێت لووچی لە چاوەکان نەهێڵێت. لە هەندێک حاڵەتدا لووچی چاوەکان چارەسەر نابێت و ڕەنگە پێویست بێت دووبارە نەشتەرگەری بۆ چاوەکان بکرێتەوە.

نەخێر، نەشتەرگەری لووچی چاو بە شێوەیەکی ئاسایی نابێتە هۆی لەدەستدانی بینین چونکە لەم نەشتەرگەرییەدا بۆشایی ناوەوەی چاو وەک خۆی دەمێنێتەوە. لە لایەکی ترەوە ئەگەر لووچی چاوەکان ببێتە هۆی تێکچوونی بینین وەک دوو بینین، نەشتەرگەری ڕاستکردنەوەی لووچی دەبێتە هۆی چارەسەرکردنی دوو بینین.

بە گشتی پزیشکانی پسپۆڕ لە نەخۆشیەکانی چاو دەتوانن ئەم نەشتەرگەرییە ئەنجام بدەن. ئەگەر پزیشکی پسپۆڕی ئێکۆلۆپلاستی و سترابیزم لەبەردەستدا بێت باشتر وایە ئەم نەشتەرگەرییە ئەنجام بدات.

• ئەگەر پێش نەشتەرگەرییەکە چاویلکەت هەبوو بەهۆی لاوازی چاوەکان، ئەوا دوای نەشتەرگەرییەکەش چاویلکە ببەستە. بۆ لابردنی چاویلکە دەتوانیت نەشتەرگەری لابردنی چاویلکە بەکاربهێنیت وەک:
• نەشتەرگەری PRK
• نەشتەرگەری لەیزیک (LASIK)
• نەشتەرگەری فەمتۆلەیزیک (Femto LASIK)

چارەسەرنەکردنی لووچی چاوەکان دەبێتە هۆی سەرئێشەی توند و کێشەی بینین و تێکچوونی جوڵە و هاوسەنگی جەستە.

دوای نەشتەرگەرییەکە لووچی چاو لادەبرێت و هێزی بینین بەهێز دەبێت و دەرکەوتنی چاوەکان هاوتا دەکرێت و متمانە بەخۆبوون زیاد دەکات.

لووچی چاو لە هەموو تەمەنێکدا دەتوانرێت ڕاست بکرێتەوە، بەڵام تا تەمەنەکە گەنجتر بێت باشترە. بۆ منداڵان لە ٤ مانگیدا دەکرێت.

بۆ ڕاستکردنەوەی لووچی چاو چەندین ڕێگەی جۆراوجۆر هەیە، وەک بەکارهێنانی چاویلکەی تایبەت، چارەسەری بینین (Vision Therapy)، نەشتەرگەری ماسولکەی چاو.

بەگشتی نەشتەرگەری لووچی چاو بە ٢ شێواز ئەنجام دەدرێت: 

• کەمکردنەوەی قەبارەی ماسولکەی جوڵەی چاو
• گۆڕینی شۆینی ماسولکەی جوڵەی چاو

لەم شێوازەدا پزیشکی نەشتەرگەری دەگاتە ماسولکە جوڵاوەکانی چاو بە بڕینێک لە تەنیشت چاوەوە و ڕاستیان دەکاتەوە.

• خوێنبەربوون
• چلک کردن
• خوێن مەین
• هەوکردن
• ئاوسانی چاو
• ئازاری چاو