چاککردنەوەی وەلڤەلەکانی دڵ بە نەشتەرگەری کراوە لە ئێران

زۆر شت دەبنە هۆی تێکچوون و زیانگەیاندن بە وەلڤەلی دڵ. هەندێکیان بریتین لە:

• چلککردن و هەوکردنی بەستەرەکانی دڵ (ئەندۆکاردیت)
• کێشەی زگماکی دڵ
• هەندێک چلککردنی بەکتریایی وەکو سترێپتۆکۆکی
• نەخۆشیەکانی خوێنبەری کرۆنەری دڵ وەکو ئاترۆوازکلێرۆزیس 
• نەخۆشی پەستانی خوێن
• ئانوێریسم ئائۆرت
• نەخۆشی بەرگری خۆکار وەکو لوپوس

لە زۆربەی حاڵەتەکاندا تێکچوونی وەلڤەلی دڵ بێ نیشانەیە. واتە ئەگەری ئەوە هەیە کە وەلڤەلی دڵی کەسێک تەسک یان پێچەوانە بێتەوە، بەڵام نەخۆشەکە بێ ئاگا بێت لێی. ئازاری سنگ و تەنگەنەفەسی و لەدەستدانی هۆشیاری نیشانە گرنگەکانی کێشەی وەلڤەلی دڵن.

نەخۆشیەکانی وەلڤەلی دڵ بە یارمەتی پشکنینی پزیشکی و ECG دەتوانرێت دەستنیشان بکرێت. بەڵام باشترین ڕێگا بۆ دەستنیشانکردنی کێشەکانی وەلڤەلی دڵ بریتییە لە سۆنەری (ئێکۆکاردیۆگرافی) دڵ لە ڕێگەی سنگەوە.

لە سیستەمی دڵی مرۆڤدا ٤ جۆر وەلڤەل هەیە کە بریتین لە:

• وەلڤەلی تریکوسپید ( Tricuspid valve)
• وەلڤەلی میتراڵ (Mitral valve)
• وەلڤەلی ئائۆرت (Aortic valve)
• وەلڤەلی پۆلمۆنەری (Pulmonary valve)

باوترین کێشەکانی وەلڤەلی دڵ بریتین لە تێکچوونی میتراڵ (MR)، تەسکبوونەوەی وەلڤەلی ئائۆرت (AS) و تێکچوونی ئائۆرت (AR)

نەخێر، لەو حاڵەتانەی کە کێشەی وەڵڤەلەکە سووک بێت، دەتوانرێت بە یارمەتی دەرمان نیشانەکانی نەخۆشەکە کۆنتڕۆڵ بکرێت، بەڵام چارەسەری یەکلاکەرەوە بۆ کێشەکانی وەڵڤەلەکان بریتییە لە گۆڕین یان چاککردنەوەی وەلڤەلەکان لە ڕێگەی نەشتەرگەرییەوە.

چارەسەرنەکردنی تێکچوونی وەڵڤەلی دڵ دەبێتە هۆی دروستبوونی کێشەکانی وەک جەڵتەی دڵ، سستبوونی دڵ و مەینبوونی خوێن. لە حاڵەتە توندەکاندا، لەکارکەوتنی وەڵڤەلەکانی دڵ لەوانەیە ببێتە هۆی وەستانی دڵ و مردن.

دوای چارەسەرکردن، وەلڤەلەکان ئەرکەکانیان بە باشی ئەنجام دەدەن و ئاڵۆزییەکانی لەکارکەوتنی وەلڤەلەکانی دڵ وەک جەڵتە، دروستبوونی مەین و … ڕێگری لێدەکرێت. دوای چاککردنەوەی وەلڤەلی دڵ ئەگەری وەستانی دڵ و مردن کەم دەبێتەوە.

لەو حاڵەتانەی کە تێکچوونی وەڵڤەلەکە سووک بێت، پێویست بە چارەسەرکردن ناکات یان نیشانەکانی بە دەرمان چارەسەر دەکرێن. ئەگەر تێکچوونی وەڵڤەلەکە توند بوو، پێویستە ڕێوشوێنی زیاتر بگیرێتەبەر. بەگشتی ٢ ڕێگە هەیە بۆ چاککردنەوەی وەلڤەل: 

• چاککردنەوەی وەلڤەلی دڵ بە نەشتەرگەری کراوە
• چاککردنەوەی وەلڤەلی دڵ بێ نەشتەرگەری (ترانسکاتێتەر)

چاککردنەوەی وەلڤەلی دڵ بە بێ‎نەشتەرگەری (ترانسکاتێتەر) بە بەکارهێنانی کاتێتەر و بە بڕینێکی بچووک ئەنجام دەدرێت، بەڵام لە چاککردنەوەی وەلڤەلی دڵ بە نەشتەرگەری کراوە، قەفەزەی سنگ دەبڕدرێت و وەلڤەلەکان چاک دەکرێنەوە. چاکبوونەوە دوای نەشتەرگەری ترانسکاتێتەر خێراترە لە چاکبوونەوە دوای نەشتەرگەری کراوە. چاککردنەوەی وەلڤەل لە نەشتەرگەری کراوەدا باشتر ئەنجام بدرێت بەهۆی دەستگەیشتنێکی زیاترەوە. پێویستە ئاماژە بەوە بکرێت کە پزیشک یەکێک لەم دوو ڕێگایە هەڵدەبژێرێت بۆ چارەسەرکردنی نەخۆشەکە بەپێی مەرجەکان.

لەم شێوازەدا پزیشکی نەشتەرگەری قەفەزەی سنگ دەکاتەوە و دوای گەیشتن بە وەلڤەلەکان، چاکیان دەکاتەوە.

• خوێنبەربوون
• چلک‎کردن
• جەڵتەی دڵ
• خوێن مەین
• زیادبوونی پەستانی خوێنبەرەکانی سییەکان
• تێکچوونی لێدانی دڵ (ئاریتمی)
• سستبوونی دڵ
• لەکارکەوتنی دڵ