تاقیکردنەوەی مۆنیتەری هۆلتەر لە ئێران

تاقیکردنەوەی هۆڵتەر مۆنیتەرشێوازێکە بۆ هەڵسەنگاندنی درێژخایەنی کارکردنی دڵ. لەو حاڵەتانەی کە گومانمان هەیە کەسەکە نەخۆشی دڵی هەیە بەلام ECG ئەم گومانە رەت دەکاتەوە، دەتوانرێت ئەم ڕێگایە بۆ دەستنیشانکردنی نەخۆشیەکان بەکاربهێنرێت.

لە شریتی دڵ (ECG) کارکردنی دڵ بۆ ماوەیەکی سنووردار (چەند خولەک) تۆمار دەکرێت، بەڵام لە تاقیکردنەوەی مۆنیتەردا چالاکیی دڵ بۆ ماوەیەکی درێژتر (چەند کاتژمێرێک) دەپشکنرێت.

لە هەندێک حاڵەتدا پێویستە تاقیکردنەوەی هۆڵتەر مۆنیتەر ئەنجام بدرێت، وەک:

• لەو حاڵەتانەی کە کەسێک نیشانە یان نیشانەکانی گومانی ناڕێکی لێدانی دڵی هەبێت
• لەدەستدانی لەناکاوی هۆشیاری
• سەرگێژخواردنی لەناکاو
• مەترسی زۆر بۆ ئاریتمی دڵ لە نەخۆشدا

لەم حاڵەتەدا ئەو نەخۆشیانەی پەیوەستن بە ڕیتمی دڵەوە دەستنیشان ناکرێن و ئەمەش دەتوانێت مەترسیدار بێت بۆ نەخۆشەکە.

ئەم ڕێگایە زیاتر بۆ دەستنیشانکردنی ئەو نەخۆشیانەی کە پەیوەندییان بە ڕیتمەکانی دڵەوە هەیە (Arrhythmia) بەکاردێت.

دوای هۆڵتەر مۆنیتەر، ڕیتمە نائاساییەکانی دڵ تۆمار دەکرێن و پیشان دەدرێن. پزیشک بە پشکنینی ئەوان ڕیتمی دڵ ڕاست دەکاتەوە. بە چارەسەرکردنی ڕیتمەکە نیشانەکانی نەخۆش باشتر دەبێت و ڕێگری لە ئاڵۆزییە مەترسیدارەکانی ناڕێکی لێدانی دڵ دەکرێت.

لەم شێوازەدا ئامێرێکی تایبەت بە سنگەوە دەبەسترێتەوە بۆ ماوەی ٢٤ بۆ ٤٨ کاتژمێر بۆ تۆمارکردنی ڕیتمی دڵ و دابینکردنی بۆ پزیشک.

پشکنینی هۆڵتەر مۆنیتەر هیچ ئاڵۆزیەکی تایبەتی نییە، بەڵام هەندێک کەس باسی ناڕەحەتی و خورانی پێست دەکەن.