نەشتەرگەری گۆڕینی جومگەی شان (ئارتۆپلاستی شان) لە ئێران

چەند هۆکارێک دەبنە هۆی زیانگەیاندن بە جومگەی شان، کە دەتوانرێت بەم شێوەیە باس بکرێت:

• زیادبوونی تەمەن
• زۆر کارکێشان لە جومگە وەک وەرزشی قورس
• زەبرە و زیانگەیشتنی فیزیکی بە جەستە
• نەخۆشیەکانی وەک شەکرە

ئەو کەسانەی کە ئازار و جوڵەی سنوورداریان لە جومگەی شان هەیە و نیشانەکانیان بە ڕێگاکانی وەک پشوودان، دەرمان، چارەسەری فیزیۆتێراپی و ئارترۆسکۆپی شان چارەسەر ناکرێت، پێویستە نەشتەرگەری گۆڕینی جومگەی شان ئەنجام بدەن.

لە هەندێک حاڵەتدا نەشتەرگەری گۆڕینی جومگەی شان دەتوانێت یارمەتیدەر بێت، وەک:

• برینێکی سەخت کە بەهۆی شکانی شانەوە دروست دەبێت
• ئارترۆزی توندی جومگەی شان
• درانی ماسولکەکانی شان کە بە ڕێگەی تر چارەسەر ناکرێت
• برینداربوونی توندی شان بەهۆی نەخۆشی ڕۆماتیزمەوە

ئەگەر نەشتەرگەری گۆڕینی جومگەی شان لەو کەسانەدا ئەنجام نەدرێت، ئازار و سنوورداربوونی جوڵەی شان توندتر دەبێت و ئەرکی شان تێکدەچێت، لەم حاڵەتەدا نەخۆش ناتوانێت چالاکییەکانی بە ئاسانی ئەنجام بدات.

دوای نەشتەرگەری گۆڕینی جومگەی شان، جومگەیەکی دەستکردی جێگای جومگەی شان کە تێکچووە، دەگرێتەوە و لە ئەنجامدا ئازاری شان کەم دەبێتەوە.

بەگشتی ٢ شێوازی چارەسەر بۆ کێشەکانی شان هەیە:

• چارەسەری بێ نەشتەرگەری وەک: جووڵە نەکردن، دەرمان و چارەسەری فیزیۆتراپی
• چارەسەری نەشتەرگەری

• نەشتەرگەری جومگەی شان کراوە وەک نەشتەرگەری گۆڕینی جومگەکان
• نەشتەرگەری جومگەی شان بە شێوەی ئارترۆسکۆپی

نەشتەرگەری ئارترۆسکۆپی شان بە دروستکردنی چەند کونێکی بچووک ئەنجام دەدرێت، بۆیە ماوەی چاکبوونەوە دوای نەشتەرگەرییەکە خێراتر دەبێت. لە نەشتەرگەری کراوەدا برینی نەشتەرگەری گەورەتر دەبێت و پزیشک بە چاودێریکردنی ڕاستەوخۆی جومگەکە تێکچوونەکانی ڕاست دەکاتەوە. ماوەی چاکبوونەوە دوای نەشتەرگەری کراوە کاتێکی زۆری دەوێت. بەپێی مەرجەکان پزیشک یەکێک لەم ٢ ڕێگایە هەڵدەبژێرێت بۆ چارەسەرکردنی نەخۆشەکە.

لەم شێوازەدا پزیشک بڕینێک لە شان درووست دەکات و جومگەی تێکچوو بە جومگەیەکی دەستکرد دەگۆڕێت.

• خوێنبەربوون
• ئازار
• ئاوسان
• چلک
• دواکەوتنی چاکبوونەوەی برینەکان
• ئاڵۆزییەکانی پەیوەست بە بێهۆشکردن