نەشتەرگەری بۆ ئەپنە لە کاتی خەودا (UPPP) لە ئێران

ئەپنە لە کاتی خەودا نەخۆشییەکە کە بەهۆی نەڕۆیشتنی هەوا لە سییەکان و دووبارە گەرانەوەی هەوا بۆ سییەکان لە کاتی خەوتندا ڕوودەدات. یەکێک لە نیشانەکانی کۆتایی هاتنی هەناسە لە کاتی خەودا پرخه‎پرخ کردنە لە کاتی خەوتندا. ئەو هۆکارانەی کە دەبنە هۆی وەستانی هەناسەدان لە کاتی خەودا بریتین لە:

• قەڵەوی
• گەورەبوونی لۆزەکان
• تێکچوونی هۆرمۆنەکان

ئەپنە بۆ خۆی کێشە دروست ناکات، بەڵام ئاڵۆزییەکانی ئەم نەخۆشییە مەترسیدارە. ئەم ئاڵۆزیانە بریتین لە، زۆربوونی فشاری خوێن، کێشەکانی دڵ و خوێنبەرەکان، نەخۆشی شەکرە و جەڵتەی مێشک.

دوای نەشتەرگەری ئەپنە، ڕۆیشتنی هەوا بەرەۆ سییەکان بە شێوەیەکی سروشتی دەبێت، هەروەها ئەو ئاڵۆزییانەی کە بەهۆی ئەپنە دروست دەبن، مەترسی لەسەر کەسەکە دروست ناکەن. سوودەکانی ئەم نەشتەرگەرییە بریتین لە:

• باشبوونی کوالێتی خەو
• زۆر بوونی ئەنێرژی دوای شەوێک خەوتن
• کەمکردنەوەی مەترسی توشبوون بە کێشەکانی دڵ و جەڵتەی مێشک
• کەمکردنەوەی مەترسی تووشبوون بە نەخۆشی شەکرە

دەتوانرێت ئەم ڕێگایانە بەکاربهێنرێت بۆ چارەسەرکردنی ئەپنە:

• ڕێگاکانی بێ‎ نەشتەرگەری وەک: گۆڕینی شێوازی ژیان، دابەزاندنی کێش، وازهێنان لە جگەرەکێشان یان ئەلکهۆل، بە بەکارهێنانی ئامێرێک کە پێی دەوترێت CPAP
• ڕێکارەکانی نەشتەرگەری

• نەشتەرگەری UPPP
• نەشتەرگەری بۆ ئیسلاحی شەویلکە

نەشتەرگەری UPPP نەشتەرگەرییەکی سووکە کە لە حاڵەتە سووکەکانی ئەپنە ئەنجام دەدرێت، بەڵام نەشتەرگەری ڕاستکردنەوەی شەویلکە نەشتەرگەرییەکی تاڕادەیەک قورسە کە بۆ چارەسەرکردنی حاڵەتە توندەکانی ئەپنە بەکاردێت.

نەشتەرگەری UPPP ڕێکارێکە بۆ کردنەوەی رێگاکانی هەوای سەرەوە. ئەم ڕێگایە بۆ چارەسەرکردنی حاڵەتە سووک تا مامناوەندەکانی ئەپنە بەکاردێت. لە نەشتەرگەری UPPP دا پزیشک بۆری هەناسە دەکاتەوە بە بڕین و دەرهێنانی شانەکانی کۆتایی دەم.

• خوێنبەربوون
• ئازار
• وەرەم
• چلک
• زیانگەیاندن بە ماسولکەکانی گەروو
• دواکەوتنی چاکبوونەوەی برینەکان
• ئاڵۆزییەکانی بە هۆی بێهۆشکردن